Als aalen an erfuerenen Trainspotter huelen ech mir lo mol d'Fräiheet hei, fir eng kleng Remarque ze pazéieren: Et wier nach genuch Plaz rechts gewiescht, fir d'Lokomotiv ganz aus dem Tunnerl fueren ze loossen an ee Stéck vum éischte Waggon mat ze huelen. Sou epepes wéi dat hei gëtt am Milieu vun den agefleeschten Zuchknipserten als eng Doudsënn ugesinn. An aanere Fore géifs du heivir gebshed gin,datt et nëmme sou knuppt.

Ech sin awer do ganz aanescht: Ech verzeie sou Feeler, well ech där och nach haut ëmmer mol neess maaachen.

Esou ass awer méi Spannung do, kënnt do nach eppes oder as et just eng Lokomotiv? Et sollt jo och kéng Dokumentarfoto gin

Natirléch hues du recht mat dénger Argumentatioun. Ech fannen di Foto jo och ganz an der Rei sou.

Et ass sou, wéi ëmmer, wann ee séch just duerch Schreiwe matdeelt: d'Nuance bleiwen op der Streck. Am Fong hätt ech misse méi kloer schreiwen, datt méng Remarque ee groussen Deel Ironie enthält. De-Smilie soll dat grad weisen. Ech sin nämléch och guer nit d'accord mat deene selwer ernannte Puristen an Expären, fir déi et an der Eisebunnsfoto guer keng Kreativitéit a keng Kompromësser gëtt. Bsp: ech war mol Member op engem franséische site, (deen entretemps komplett doud ass, well di läscht Foto virun der Pandemie ropgeluede gouf), do krut ech Fotoe refuséiert, well ech den Zuch ofgeschnidden hat hannen (de Bord vun der Foto ass nit ee Strauch oder ee gebai, wat legitim ass, fir een Zuch ofzeschneiden) oder well ech den Zuch vun der Schiedsäit fotograféiert hat. Oder ech krut gemault, well de Pantograf vun der Lok "am Poteau houng" (Zitat) an nit fräi just um Kabel asw. Lauter Saachen, déi een nit brauch. Mais bon, lo verstees du méng Remarque, wat virdrun nit evident war.

Ech haat däin Kommentar och guer net schiif op geholl. Et ass eben eppes aneschtes wann's de op enger Zuchsäit bass oder op enger méi Fotografie orientéierter.

Wanns du jemols eppes gesot hues, wat méi wéi stëmmt, dann dëst... Zuchsäite sin effektiv näischt fir zart Séilen. Do huet een et mat Purs et Durs ze din. Ech huelen u, bei Planespotters ass et nit vill aanescht.

Immens interessant, Nico, deng Explicatiounen iwer d'Eisebunfotoexpären an hir Opfaassung vun de Fotokonscht

Effektiv eng spannend Opnaam, hei stellt een sech d'Fro, ass et e Persounezuch oder e Gidderzuch? Ech sin iwerzeecht den Nico wees d'Aentwert schon eleng duerch den Typ vun der Lok ouni an den Tunnel ze kucken Waat mer awer besonnesch hei gefaelt, op den eischte Bleck keint et och eng Opnamm vun enger Modelleisebunlandschaft sin.

Ee Persounenzuch, Georges. Et fueren zwar och Güterzich op der Rhätescher Bunn, mais déi sin éischter rar geséint.

Eigentlech hätt ech selwer missen drop kommen, virun engem Gidderzuch wier jo och e Krokodil gewierscht

Du bass wuel där Jéngster kee méi, awer datts du sou vill Lenzen um Bockel häss, fir nit matkritt ze hun, datt d Krokodiller just nach viru Museumszich geleenetlech schnaapen dierfen, dat hätt ech awer elo nit fir méigléch gehaal. :-P

Mais lo mol serieux: Bei der RhB sin di Krokodiller suwuel viru Persounen- wéi och Güterzich gefuer, (bei der grousser SBB iwwregens och), dat ass also net wierkéch ee Kritär.

(Jo, keng Angscht, ech hun däi Witz verstaanen!)

Iwwregens fueren ech elo den näxte WE méng Jongen op ZH sichen, an da gin ech nach kuurz bis op Wassen, fir e puer ëmgeleede Persounen- a Güterzich op der Gotthard-Biergstreck ze fotograféieren. An dann ass zu Olten Depotfest, wou historescht Material ze gesin ass. Vläicht ass jo och ee Krokodil do.

Dem enge säi Leed, deem anere seng Freed, vill Spaass um Gotthard, an dono um Oldiefest

Et soll Reen gin.